皮皮話好耐冇食Shabu Shabu，媽媽梗係要第一時間滿足佢！我地去咗荃灣荃新天地嘅 #牛陣 ，最近牛陣舉辦緊 #夏祭 🍉，有得玩有得食，好有日本氣氛，令我地一家諗返起前年去日本旅行的夏祭活動，好開心呀🥰！
星期六去我哋6pm入座所以唔洗等位，一入門口就有夏祭遊戲釣魚仔玩🎣！玩完按分數有大/中/小吉禮物送🤞！
我哋點左 #日本產特選黑毛和牛放題 🥩套餐 (90mins) 加送 #豪華海鮮盛合 🦐！套餐仲送 #波子汽水 放題， #期間限定 ，無限添飲！
湯鍋選了豚骨湯和壽喜燒鍋🥘，鴛鴦鍋每人加$5很合理，滿足各人口味！呢度嘅上菜速度好快，送了湯鍋沒多久就上黑毛和牛🐮、沖繩白豚🐷和海鮮盛合🦐。另外自助區有蔬菜、粉麵、魚丸……等，看起來很乾淨和新鮮；夏祭特式小食有炸雞、炒麵、章魚燒和爆谷，真係樣樣都想食！飲品任飲，Haagen dazs雪糕🍦任食，非常豐富！
食物來說，黑毛和牛和沖繩白豚質素好好，和牛充滿雪花超靚😍！師傅切到肉片好薄，所以灼幾灼好快熟，肉質沒肥肉又沒筋，吃下口很柔軟，點埋日式醬油很索湯汁好好味😋！
海鮮盛合好豐富，有大蝦🦐、生蠔🦪、帶子、飽魚、青口、蝦滑……等等，海鮮全部都好新鮮，而且好大隻！帶子好厚肉、飽魚好大粒又彈牙、生蠔好鮮甜、大蝦肉質又爽脆，真係樣樣都好好食，很驚喜！
感覺牛陣這裡衞生環境和服務很不錯👍🏻，待應招呼殷勤，常常主動來收碟和加湯，又主動幫皮皮開波子汽水🥤，常常充滿笑容！連平時要求高嘅老公都話牛陣Ｄ野好食服務又好，可以翻食👏🏻！皮皮就最開心😃！佢有得玩有得食，點呢個餐牛陣仲送大大支夏日水鐵砲💦💦俾小朋友，開心到飛起！
✅價錢: 大人$429、小朋友$169 （食物、服務、環境、衞生我都會比5星，又有禮物送，性價比高！）
📍牛陣 Gyujin
地址：荃灣荃新天地地下 G52,G56& G58號舖
#牛陣火鍋 #燒肉定食 #日本菜 #日本料理 #火鍋放題 #夏祭 #夏日祭典遊戲 #和牛 #御神籤 #一家大細 #familygathering
Search